Kuv naj nub pheej xaav txug Koj sab hlub Yesxus
Ib yam haav txwv luj ntsuag tsi tau
Leejtwg paub saib qhov dlaav saib qhov tub Yesxus
Kuv ntshai tsi muaj ib leeg txawj paub
Koj hlub kuv Koj txha lug huv nplajteb Yesxus
Tseg Koj lub tsev zoo nyob puag sau ntuj
Koj lub nyob nplajteb nuav txha le tuag Yesxus
Txhob txwm muab txujsa theej kuv txhoj
Refrain:
Kuv lub ncauj ua Koj tsaug kuv tug Tswv Yesxus
Koj ris kuv lub txim sau ntoo khaublig
Kuv lub sab nyam nyam Koj kuv tug Tswv Yesxus
Rua qhov Koj hlub kuv tso kuv dlim
Kuv xaav txug Koj kev hlub kuv tug Tswv Yesxus
Koj naj nub pub mov rua kuv noj
Tau mov noj tau dlej haus kuv tug Tswv Yesxus
Kuv yuav noj tsi tag ib sim neej
Koj this kuv lug lug ntshaav kuv tug Tswv Yesxus
Koj ntxuav kuv lub sab dlawb dlawb tshab tshab
Koj khaiv Koj Ntsujplig lug nrug kuv nyob Yesxus
Coj kuv taug kev ncaaj moog ibtxhis
Refrain:
Koj kev vhlub yam tshaav ntuj ntsuag tsi tau Yesxus
Yaam le cov nub qub suav tsi taag
Yaam xyoob ntoo nyob haav zoov purn tsi txhua Yesxus
Koj hlub tseem pheej hlub kuv ibtxhis
Ob peb nub yuav nrug Koj nyob uake Yesxus
Muaj cev muaj lub sab ib yam le Koj
Kuv tsi txawj ua Koj tsaug taag kuv sab Yesxus
Kuv txhus caug peg teb pe Koj xwb
Refrain:
Koj kev hlub pev txug tej lub txhaab nyaj Yesxus
Muaj nyaj txag puv nkaus siv tsi taag
Muab huvsi pub rua kuv kuv tug Tswv yesxus
Kuv yuav ntseeg Koj hab noog Koj lug
Koj naj nub muab ntau yam pub rua kuv Yesxus
Kuv thov Koj lug noog kuv txuj lug thov
Pub tshaav ntuj lug rua kuv ntau taagnrho Yesxus
Ua kuv chaw suv sab ibtxhis moog
Refrain:
